"მადრიდის "რეალი" მსოფლიოში ერთ–ერთი საუკეთესო კლუბია, მაგრამ ჩვენ ეს არ გვაშინებს. ამ შეხვედრისთვის განსაკუთრებულად ვემზადებოდით და ვიმედოვნებ, რომ შესაბამის შედეგსაც მივიღებთ. ჩვენ გვყავს გულშემატკივრები, რომელთა გაწბილებაც არ შეიძლება".

"ნებისმიერ მომენტში ბოლომდე ვიბრძოლებთ, ვინაიდან ჟოზე მოურინიოს შეგირდებთან მოდუნება ძვირად დაგვიჯდება. ცხადია მინდორზე მეორე ნომრად ვითამაშებთ, თუმცა ეს არაფერს არ ცვლის. ფეხბურთელებისთვის და მწვრთნელისთვის მთავარი მხოლოდ და მხოლოდ რეზულტატია, რაშიც ალბათ გასაკვირი არაფერია".

"მადრიდელები შესანიშნავ ფორმაში იმყოფებიან. "მერენგთა" შეტევაში იდეალური ფეხბურთელები არიან, სწორედ ამიტომ გაგვიჭირდება მათი იერიშების მოგერიება, მაგრამ მანუელ პელეგრინმა ამ საკითხზეც იმუშავა და გარკვეული დავალებებიც მოგვცა".

"ჩვენ წინა სეზონისგან განსხვავებით, გაცილებით დამაჯერებლად და შედეგიანად ვვასპარეზობთ მიმდინარე წელს "პრიმერა დივიზიონში", რაც ძალიან სასიხარულოა. "მალაგაში" მოვიდნენ ახალი ფეხბურთელები, რამაც გარკვეულწილად განაპირობა მაღალ დონეზე თამაში. ამ მატჩში მთავარი მიზანი კი ქულის მოპოვებაა, თუმცა გამარჯვებაც არაა გამორიცხული".

Marca.com������� dle 10.1������� ������� ������