გარაი: "რეალის წინააღმდეგ თამაში საინტერესო იქნება"
ლისაბონის "ბენფიკას" არგენტინელმა ცენტრალურმა მცველმა, ეზეკილ გარაიმ განაცხადა, რომ დღევანდელი "ბარსელონა" "რეალს" ჯობია და ბედნიერი იქნება თუ მისი გუნდი ჩემპიონთა ლიგის შემდეგ ეტაპზე მადრიდის "რეალს" დაუპირისპირდება.
"მადრიდის "რეალი" მუდამ გამოირჩეოდა იმით, რომ მის შემადგენლობაში მსოფლიო კლასის ფეხბურთელები ასპარეზობდნენ. გუნდში ყოველთვის მოიძებნებოდნენ მაღალი კლასის შემტევები რომლებიც განაპირობებდნენ "ბლანკოსის" წარმატებას, მაგრამ დაცვაში საქმე ასე არ არის. ბედნიერი ვიქნები თუ ჩემპიონთა ლიგის შემდეგ ეტაპზე სამეფო კლუბს დავუპირისპირდებით, საინტერესო იქნება, თეთრების წინააღმდეგ ჩემპიონთა ლიგაზე თამაში."
"რაც შეეხება "ბარსელონას", თავის დროზე "რეალი" სჯობდა კატალონიელებს რაც მათ მიღწევებზეც აისახა. შემდეგ კატალონიელები გაუთანაბრდნენ "სამეფო კლუბს", ახლა კი ისინი უფრო ძლიერები არიან. ვფიქრობ, "რეალის" დამარცხება უფრო ადვილია, ვიდრე "ბარსელონასი" - განაცხადა გარაიმ.
ინფორმაციის წყარო: marca.com
- 11 ოქტომბერი 2011
- 1693
- 0
ინფორმაცია
ჯგუფ სტუმარი-ის წევრებს არ აქვთ კომენტარის დატოვების უფლება.
