2004 წლის 12 მარტს მიიღეს გადაწყვეტილება, რომ მადრიდში უნდა აეშენებინათ პატარა სპორტული ქალაქი სახელწოდებით - "რეალ მადრიდ სიტი". პროექტს საფუძველი რამდენიმე დღეში ჩაეყარა და საბოლოოდ პრეზენტაცია 2005 წლის 30 სექტემბერს შედგა. ქალაქი მდებარეობს მილიონ ორასიათას კვადრატულ მეტრზე, მოიცავს რამდენიმე სტადიონს, აკადემიას და ა.შ. ამ ტერიტორიაზე "ბლანკოსის" 13 ასაკობრივი გუნდი ბინადრობს. როგორც იტყვიან, "რეალ მადრიდ სიტი" სამეფო კლუბის ქარხანაა.

ერთ-ერთი ყველაზე ღირშესანიშნავი ნაგებობა "რეალ მადრიდ სიტიში" "ალფრედო დი სტეფანოა" (სტადიონი). იგი 7500 მაყურებელს იტევს და 2005/2006 წლების სეზონიდან ფუნქციონირებს. თავდაპირველად მას სხვა სახელი ერქვა, თუმცა შემდგ სავსებით სამართლიანად "ბლანკოსის" ლეგენდარული ფეხბურთელის, ამჟამად კლუბის საპატიო პრეზიდენტის ალფრედო დი სტეფანოს სახელი ეწოდა.

"რეალ მადრიდ სიტი" უეფასა და ფიფას ყველა სტანდარტს აკმაყოფილებს. ევროპის სხვადასხვა კლუბის წარმომადგენლები აღფრთოვანებას ვერ მალავენ ამ სპორტული ქალაქით. ყოველწლიურად მას მილიონობით ტურისტი სტუმრობს.

25 სექტემბერს, გენერელური ასამბლეაზე გადაწყდა, რომ "რეალ მადრიდ სიტიში" უახლოეს მომავალში სამედიცინო ცენტრი აშენდება...