შაჰინი: თავს კარგად ვგრძნობ
მადრიდის ,,რეალის" ახლად შენაძენმა ნური შაჰინმა, marca-თან მცირე ინტერვიუ ჩაწერა. როგორც მოგეხსენებათ, შაჰინი ტრავმის გამო ვერ ახერხებს მადრიდული კლუბის დახმარებას, მაგრამ თურქ ნახევარმცველს სჯერა, რომ გუნდის ერთ-ერთი წამყვანი ფიგურა გახდება.
,,სამწუხაროდ ტრავმის გამო ვერ ვახერხებ მადრიდული კლუბის სრულფასოვანი მოთამაშე გავხდე, მაგრამ აქ თავს მაინც კარგად ვგრძნობ. დღითიდღე ვპროგრესირებ, რეაბილიტაციის პროცესი მშვენივრად მიდის, მეტიც, დაგეგმილზე ერთი კვირით სწრაფად. ვერ გეტყვით, როდის დავბრუნდები. მთავარია, ფორმა სრულად აღვიდგინო. გუნდში ძალიან კარგი ატმოსფეროა მეც და ჰამიტიც კარგად მიგვიღეს და ყველაფერს აკეთებენ ჩემს დასახმარებლად. სამი ხედირა და მესუთ ოზილი თავიდან ძალიან დამეხმარნენ, მაგრამ კონკრეტულად მაინც ვერავის გამოვარჩევ, გუნდში ყველა პროფესიონალია და ყველა მზადაა შენს მხარდასაჭერად. ისინი სუპერვარსკვლავები არიან როგორც მოედანზე, ისე მის გარეთ. რაც შეეხება მოურინიოს, ის მართლაც შეუდარებელია მე მისით აღფრთოვანებული ვარ." - განაცხადა შაჰინმა.
- 29 სექტემბერი 2011
- 3003
- 0
ინფორმაცია
ჯგუფ სტუმარი-ის წევრებს არ აქვთ კომენტარის დატოვების უფლება.
