სნეიდერი: ჰოლანდიელებმა მთავარ მწვრთნელად მაურინიო უნდა დანიშნონ
ჩემთვის ის ყოველთვის ნომერ პირველი იქნება...
"ინტერის" ნახევარმცველი ვესლი სნეიდერი თვლის, რომ თუკი ჰოლანდიის ნაკრებს გამარჯვება სურს, მაშინ გუნდის თავკაცად აუცილებლად ჯოზე მაურინიო უნდა მოიყვანონ. შეგახსენებთ, რომ ნიდერლანდელების ამჯამინდელ თავკაცს ბერტ ვან მაერვიკს კონტრაკტი 2012 წელს ეწურება.
"თუ გუნდს მწვერვალების დაპყრობა სურს, აუცილებლად საუკეთესო მწვრთნელი სჭირდება, ესეთი კი ჯოზე მაურინიოა. მას ყველაფერი აქვს იმისათვის, რომ გუნდი მუდმივად ტონუსში ჰყავდეს, საუბარი არა მხოლოდ ძირითად შემადგენლობაზე, არამედ სათადარიგო ფეხბურთელებზეცაა. ჩემთვის ის ყოველთვის ნომერ პირველი იქნება, მე არასდროს არ გამიგია განსხვავებული აზრი სხვა ფეხბურთელისგან, ისეთი შეგრძნება მაქვს, მალე ისევ მომიწევს მასთან ერთად მუშაობა"-განაცხადა სნეიდერმა NUSport-თან ინტერვიუში.
- 8 სექტემბერი 2011
- 2159
- 0
ინფორმაცია
ჯგუფ სტუმარი-ის წევრებს არ აქვთ კომენტარის დატოვების უფლება.
