2001-2002 წლების სეზონში მადრიდის "რეალმა" ჩემპიონთა ლიგა მოიგო, ხოლო "ფეინოორდმა" უეფას თასი აღმართა. ეს ორი გუნდი ზუსტად 9 წლის წინ ევროპის სუპერთასზე დაუპირისპირდნენ. შეხვედრა მონაკოში, ლუი მეორის სახელობის სტადიონზე გაიმართა. პირველ ტაიმში მადრიდელები 2 ბურთით გავიდნენ წინ. პააუემ ჯერ საკუთარ კარში ჩაჭრა ბურთი, ხოლო რამდენიმე წუთში რობერტო კარლოსმა ლამაზი კომბინაცია მისთვის უჩვეულოდ მარჯვენა ფეხით გატანილი გოლით დაასრულა. მეორე ტაიმში ჰოოიდონკმა ულამაზეს საჯარიმო დარტყმით იკერ კასილასს შანსი არ დაუტოვა. მატჩში წერტილი კი გუტიმ დასვა. აღსანიშნავია,რომ მაშინდელი შემადგენლობიდან "რეალში" მოხლოდ იკერ კასილასიღა შემორჩა...