მოურინიომ იცის, რომ ნეიმარი ზამთარში მადრიდში გადმობარგდება.

როგორც მოგეხსენებათ, მოურინიომ უკვე განაცხადა, რომ მას ახალი ფეხბურთელი არ სჭირდება და კმაყოფილია გუნდის ამჟამინდელი შემადგენლობით. ამ განცხადებას დიდი გამოხმაურება მოჰყვა, რადგან შარშან, ამ დროს "ბლანკოსს" ფორვარდის პოზიციაზე, როგორც ეხლა, ბენზემა და იგუაინი ჰყავდა, ხოლო ჯოზე უკმაყოფილო იყო და ძალიან სურდა კიდევ ერთი თავდამსხმელის შეძენა.

როგორც აღმოჩნდა, ჟოზეს თავისი გეგმები აქვს. მესამე ფორვარდის პოზიცია, მან უკვე მორატას მიანდო. ხოლო ზამთარში, პორტუგალიელი გუნდის კიდევ უფრო გაძლიერებას ელოდება, ნეიმარ და სილვას სახით.

საქმე იმაშია, რომ ბრაზილიელ ვუნდერკინდს, ჟოზე არ მოისაზრებს, როგორც ცენტრალურ თავდამსხმელს. მოურინიოს ბრაზილიელ ფეხბურთელზე სხვა გეგმები აქვს. ის თვლის, რომ ნეიმარს შეუძლია გუნდის ერთერთ ლიდერად ჩამოყალიბდეს და ეს ნახევარდაცვის ზოლიდან გააკეთოს. და სილვას შეუძლია, როგორც გარემარბეგად, ისე გამთამაშებლადაც თამაში. ასე რომ, ის შეგვიძლია მივიჩნიოთ, როგორც დი მარიას, ისე ოზილის შემცვლელადაც.

ნეიმარი მსოფლიოს ყველაზე პერსპექტიულ ფეხბურთელად ითვლება და სრულიად სამართლიანადაც. მას უდიდესი პოტენციალი აქვს. ხოლო მოურინიოს და ზიდანის დახმარებით, დიდია იმის ალბათობა, რომ ბრაზილიელმა ვუნდერკინდმა სრულიად გამოავლინოს თავისი ტალანტი და მსოფლისო საუკეთესო ფეხბურთელად ჩამოყალიბდეს.