"თავს არ მივცემ იმის უფლებას, რომ იკერს შევედარო. ის სხვა განზომილებაა. ის მსოფლიოს საუკეთესო მეკარეა"-მიუხედავად პაჩეკოს ამ სიტყვებისა, გამომცემლობა მარკა წერს, რომ "მადრიდის რეალ ც"-ს გოლკიპერმა ისეთივე რეაქციები და თამაში აჩვენა მსოფლიოს 20 წლამდელთა ჩემპიონატზე, როგორიც იკერ კასილასს სჩვევია. სწორედ მისი დამსახურებით მოხვდა ესპანეთის ეროვნული ნაკრები მეოთხედფინალში, სადაც ბრაზილიელ თანატოლებს დაუპირისპირდებიან (თამაში ესპანეთის დროით საღამოს 01:00 საათზე ორშაბათს გაიმართება)

პაჩეკომ სამხრეთ კორეასთან ბრწყინვალედ ითამაშა. განსაკუთრებით დასამახსოვრებელი იყო მოგერიებული თერტმეტმეტრიანი დარტყმა. "როგორც იცით თერთმეტმეტრიანი დარტყმები ლატარეაა, იმ დღეს მე გამიმართლა. დარწმუნებული ვიყავი საკუთარ ძალებში, შევძელი რეაქციის მოხდენდა და ბურთის მოგერიება. ჩვენ ეს დავიმსახურეთ." მადრიდისტამ ასევე შეაქო ფაბრიკის კარგი გამოსვლა და ის მოტივაცია, რომელიც თითოეულ კანტერანოს გაუჩნდა გუნდში მოურინიოს მოსვლის შემდეგ. " "მადრიდის რეალის" საფეხბურთო სკოლა ბრწყინვალე მდგომარეობაშია. მარტო ისღა დარჩენია ხალხს, რომ თვალი ადევნოს თითოეულ ფეხბურთელს. ბევრი ახალგაზრდა და ნიჭიერი მოთამაშეები გვყავს. მოურინიომ რამოდენიმე მათგანი გამოცადა და ეს სხვა დანარჩენებს უფრო მეტი მუშაობის სურვილსა და მოტივაციას გვიჩენს."

წყარო: RealMadrid.com