პირველი შეხვედრა "სანტიაგო ბერნაბეუს" სტადიონზე გაიმართა, რომელშიც რეალმა 2:0 იმარჯვა. თეთრები იმ დროისათვის "ლა ლიგის" მოქმედი ჩემპიონები იყვნენ. მიჩელისა და უგო სანჩესის გოლიებმა მადრიდელებს საშუალება მისა წყნარად და დამაჯერებლად გასულიყვნენ "ნოუ კამპის" განმეორებით მატჩზე. აღსანიშნავია, რომ ამ კლასიკოებში თავის პირველ გამოცდას გადიოდა ბერნდ შუსტერი, რომელიც იმხანად, ბარსელონადან ახლად გადმობარგებული იყო ბლანკოსის რიგებში. განმეორებით მატჩში ბარსელონამ დაამარცხა ლეო ბენჰაკერის შეგირდები ანგარიშით 2:1. ბუტრაგენიოს გოლს პაკერომ დუბლით უპასუხა, მაგრამ ეს საკმარისი არ აღმოჩნდა. მატჩის შემდეგ რეალის ფეხბურთელებმა სტადიონს საპატიო წრე დაარტყეს, მაგრამ სტადიონის დატოვება ბადრაგის თანხლებით მოუწიათ.

თეთრებმა კამპ ნოუზე, მინიმალური ანგარიშით, 1:0 იმარჯვეს, მიჩელის გოლის წყალობით. ამ მატჩში ხრისტო სტოიჩკოვი გაძევებული იქნა იმის გამო, რომ მსაჯს ურისარუ ასპიტერტეს ფეხზე დააბიჯა. მოგვიანებით მან მოუბადიშა თანაგუნდელებს იმის გამო, რომ გუნდი უმცირესობაში დატოვა. განმეორებით მატჩში ბლანკოსმა გაანადგურა ბარსელონა 4:1. ორი გოლი ბუტრაგენიომ მიითვალა, ხოლო თითო-თითოჯერ თავი სანჩესმა და არაგონმა გამოიჩინეს.