პორტუგალიელმა მწვრთნელმა ნათელი მოჰფინა იმ ფეხბურთელთა სიას, რომლებიც აღარ სჭირდება შემდეგი სეზონიდან. ჯერ–ჯერობით ლასანა დიარა, პედრო ლეონი, კანალესი და დრენტე არ გაჰყვებიან გუნდს აშშ– ში გასამართ წინასასეზონო შეკრებაზე.

ზემოთ ხსენებული ფეხბურთელების ბედი პრაქტიკულად გარკვეულია. საუბარი მიდის იმის შესახებ, თუ ვინ შეიძლება დატოვოს კიდევ გუნდი.

იგუანის, გაგოს და დი მარიას ბედი მას შემდეგ გაირკვევა,რაც ისინი კოპა ამერიკიდან დაბრუნდებიან. გარდა ამისა, მოურინიომ ორშაბათამდე უნდა დაასახელოს იმ ფეხბურთელთა სია,რომლებიც აუცილებლად წავლენ ლოს ანჯელესში. დიდი ალბათობით, მათ შორის გარდა ზემოთ ხსენებული ფეხბურთელებისა, შეიძლება ვერ მოხვდნენ: ხოსელუ, ხესე და ნაჩო.

გუნდი ოფიციალურად უკვე დატოვა შემდეგმა ფეხბურთელებმა : იეჟი დუდეკმა, ეზეკილ გარაიმ,რომელიც ''ბენფიკაში'' გადავიდა, დევიდ მატეოსმა, რომელიც არენდის წესით გადავიდა ''სარაგოსაში'' და სარაბიამ.

ჟოზე მოურინიოს არ სურს 30 ფეხბურთელზე მეტის ყოლა, ამიტომ ყველა წამსვლელის სია ამერიკიდან დაბრუნების შემდეგ გაირკვევა.