რამდენიმე კვირის წინ, ''მადრიდის რეალსა'' და ''ბარსელონას''შორის დაძაბულობამ კულმინაციას მიაღწია. გაიმართა სიტყვიერი დაპირისპირებისა და ბრალდებების ორთაბრძოლა,თუმცა, როგორც eurosport იტყობინება, კატალონიელებს სურთ ურთიერთობის გადატვირთვა და სუფთა ფურცლიდან დაწყება, საფუძველი კი ჩაეყრება 14 და 17 აგვისტოს,როცა ეს ორი კლუბი ერთამენთს დაუპირისპირდება ესპანეთის სუპერთასის ფინალში.

2010-2011 სეზონი გახდა''რეალისა'' და ''ბარსას'' შორის ურთიერთობის გაუარესების სეზონი. ეს ალბათ, იმანაც განაპირობა, რომ ურთიერთშეხვედრები გადაება ერთმანეთს.როგორც ''ბარსას'' პრეზიდენტმა განაცხადა, მას სურს, სუფთა ფურცლიდან დაიწყოს ''რეალთან'' ურთიერთობა, რადგან ეს დაძაბულობა არამარტო ესპანურ ფეხბურთს, არამედ ზოგადად სპორტს ვნებს . იგი დაპირდა გულშემატკივარს, რომ რაც გასულ სეზონში მოხდა, აღარასოდეს განმეორდება .

ოფიციალური წყარო იტყობინება, რომ კატალონიელებს მშვიდობა სურთ თეთრებთან, დაძაბულობა არც ერთ მხარეს არ წაადგება სასიკეთოდ. შეიძლება თავიდანვე ჰარმონიული ურთიერთობა არ ჩამოყალიბდეს, მაგრამ მაინც დროა განიმუხტოს სიტუაცია .
კატალონიელებმა ასევე განაცხადეს ,რომ სამეფო თასი,რომელიც წელს დაკარგეს, მომავალ წელს დაიბრუნებენ.