ლასი და გარაი "იუვენტუსს" უახლოვდებიან
მოგეხსენებათ, აწ უკვე დაწყებულ სატრანსფერო ფანჯარაზე ძალიან დიდ აქტიურობას ტურინის "იუვენტუსი" გეგმავს, რომელიც სამეფო კლუბის ერთბაშად 3 ფეხბურთელით არის დაინტერესებული. ლასანა დიარა, ეზეკილ გარაი და გონსალო იგუაინი , სწორედ ეს შეგირდები არიან იტალიელთა ყურადღების ცენტრში...
"მარკაზე" დაყრდნობით გარაი და ლასი იტალიურ გრანდთან ძალიან ახლოს არიან, იტალიელთა მთავარი მწვრთნელის აზრით ეს ფეხბურთელები "ბებერ ქალბატონს" შესანიშნავ სამსახურს გაუწევენ, "ბლანკოსში" კი მათი შესაძლებლობების ნახევარი ვლინდება.
სამეფო კლუბი ლასს 20 მილიონ ევროზე ნაკლებად არ შეელევა, რადგან ფრანგი მოთამაშე "რეალში" მუდამ სათადარიგოთა სკამზე ჯდომით არ არის დაკავებული, იგი ხშირად ძირითად თერთმეტეულშიც გამოდის.
რაც შეეხება გარაის, ამ მოთამაშის კარიერა მადრიდში არც ისე წარმატებით წავიდა, რადგან ახალგაზრდა მცველს მუდმივი ტრავმები აწუხებს, მისი ფასი 8-იდან 12 მილიონ ევრომდე მერყეობს.
იტალიელებს ორივე ფეხბურთელის შეძენის შემთხვევაში 28-32 მილიონ ევროთი მოუწევთ ჯიბის გათხელება.
- 1 ივნისი 2011
- 1910
- 0
ინფორმაცია
ჯგუფ სტუმარი-ის წევრებს არ აქვთ კომენტარის დატოვების უფლება.
