დავიდ მატეოსი მოურინიოს გეგმებშია. ცენტრალური მცველი, რომელმაც ამა წლის მეორე ნახევარი ათენურ "აეკ"–ში გაატარა, ზაფხულში ჟოზე მოურინიოს თხოვნით "მადრიდის რეალის" რიგებს დაუბრუნდება.

მოურინიოს თხოვნით მატეოსი წინა წელს ძირითადში იქნა გადმოყვანილი და მას კონტრაქტი 2013 წლამდე გაუფორმეს. წინა წლის წინასასეზონო მომზადებისას ახალგაზრდა კანტერანომ დიდი შთაბეჭდილებები მოახდინა ჟოზეზე, შესაბამისად ეს ფეხბურთელი მის გეგმებში შედის მომდევნო სეზონისთვის.

დავიდ მატეოსისი "აეკმა" მიმდინარე წელს საბერძნეთის თასი დაისაკუთრა. ნახევარფინალში დავიდი ძირითად შემადგენლობაში გამოვიდა, მაგრამ სხვადასხვა მიზეზების გამო, მან ფინალი ვერ ითამაშა.

ათენურ კლუბში მატეოსი მწვრთნელის მანოლო ხიმენესის ნდობით სარგებლობს. მან საბერძნეთის ჩემპიონატის ბოლო შვიდი შეხვედრიდან ექვსში მიიღო მონაწილეობა. საერთო ჯამში კი მოედანზე 785 წუთი გაატარა.