მადრიდის "რეალის" მთავარმა მწვრთნელმა - ჟოზე მოურინიომ, კომენტარი გააკეთა სამეფო თასის ფინალზე.

"მატჩის დასრულების შემდეგ, მყუდრო ადგილს ვეძებდი, რათა ჩემი ცოლისთვის დამერეკა. გახარებული ვარ, რადგან ეს გამარჯვება ძალიან მნიშვნელოვანია ჩვენთვის. რაც შეეხება უშუალოდ შეხვედრას, მატჩის პირველ ნახევარში აშკარა უპირატესობა გვქონდა. მეორე ტაიმში კი კატალონიელებმა ტემპს მოუმატეს და რამდენიმე ძალიან სახიფათო შეტევაც განახორციელეს. დამატებით წუთებში, ჩემმა ფეხბურთელებმა ყველაფერი გააკეთეს მოსაგებად და ვფიქრობ, ეს გამარჯვება დაიმსახურეს. ერთადერთი, რაშიც კატალონიელებს აშკარა უპირატესობა ჰქონდათ, იყო ბურთის ფლობა, თუმცა ეს არ ნიშნავს იმას, რომ მათ ჩვენზე უკეთ ითამაშეს."