მოურინიო: "მსურს, მადრიდის "რეალში" 600 ჩატარებულ თამაშს მივაღწიო. ეს არის უდიდესი კლუბი მთელს მსოფლიოში."

ხვალ, "ტოტენჰემთან" ჩატარებული შეხვედრა, მე-500 იქნება ჟოზე მოურინიოს 11 წლიან კარიერაში.

ყოველთვის რთულია, 500 თამაშის განსაკუთრებით მაღალ დონეზე ჩატარება. ჟოზე მოურინიო მე-500 მატჩს ინგლისში, "ტოტენჰემთან", გამართავს. ქვეყანაში, სადაც ყველაზე მეტი, 185, თამაში ჩაატარა. "ეს ჩემთვის არ არის განსაკუთრებული." - განაცხადა ჟოზემ, პორტუგალიულ ჟურნალთან: "მსურს, მადრიდის "რეალში" 600 ჩატარებულ თამაშს მივაღწიო."

მოურინიოს დებიუტი 2000 წლის, 13 სექტემბერს, შედგა. ჩატარებული შეხვედრებიდან: 334 (66.9%) მოიგო, 104 (20.8%) ფრედ დაასრულა, ხოლო 61-ჯერ (12.2%) დამარცხდა. მისმა გუნდებმა ჯამში გაიტანეს: 935 გოლი და მიიღეს 367. "მადრიდის "რეალი" უდიდესი კლუბია მთელს მსოფლიოში. ამაყი ვარ, რადგან ამ კლუბს ვუდგავარ სათავეში." - დაამატა მოურინიომ.

პორტუგალიელ მწვრთნელს 17 ოფიციალური ტურნირი აქვს მოგებული: 2 ჩემპიონთა ლიგა, 1 უეფას თასი, 6 ეროვნული ლიგა, 3 ეროვნული თასი, 3 სუპერ თასი და 2 ლიგის თასი. მისი მეთვალყურეობით, მადრიდის "რეალმა" უკვე შეძლო კოპა დელ რეის ფინალში გასვლა და მათემატიკურად კვლავ აქვს ლა ლიგის მოგების შანსი.



წყარო: Www.Realmadrid.Com������� dle 10.1������� ������� ������