კარლოსი : "სამეფო კლუბს უდიდესი შანსი აქვს"
მადრიდის "რეალის" ყოფილა, ლეგენდარულმა ფეხბურთელმა, რობერტო კარლოსმა ჟურნალისტებთან ისაუბრა და "ბლანკოსს" წარმატებები უსურვა აპრილის თვეში...
"ძალიან მიყვარს მადრიდის "რეალი" და ყოველთვის ვადევნებ თვალს ამ გუნდის ასპარეზობას, რთულია არ უყურო იმ კლუბის ასპარეზობას, რომელშიც უამრავი წელი გაატარე, "ბლანკოსი" ბრწყინვალე კოლექტივია, ძალიან მიყვარს მადრიდი და მადრიდული იდილია."
"დარწმუნებული ვარ ჟოზე მოურინიო დასახავს იმ მიზნებს, რომელიც გუნდისთვის წარმატებული იქნება, აპრილის დასაწყისი უკვე გავიდა და დედაქალაქურმა გუნდმა ინგლისური "ტოტენჰემი" გაანადგურა, ეს იყო პირველი ნაბიჯი, რომელიც "თეთრებს" 1/2 ფინალისკენ გზას გაუხსნის, დარწმუნებული ვარ ევროპის ყველაზე პრესტიჟული ტურნირის ფინალი "რეალის" გარეშე არ ჩაივლის."
"მოურინიოს შეგირდებს მინიმუმ 2, მაქსიმუმ 4 "ელ კლასიკოს" ჩატარება მოუწევთ უახლოეს მომავალში და დროის უმოკლეს პერიოდში, ორივე გუნდისთვის ეს მატჩები მნიშვნელოვანი იქნება, მაგრამ არამგონია, რომ რომელიმემ ოთხივე შეხვედრის მოგება შეძლოს, ეს უდიდეს სირთულეებთან იქნება დაკავშირებული. იმედი მაქვს ბალანსი "ბლანკოსისთვის" იქნება დადებითი და არა "ბარსელონასთვის", ერთი რამის თქმა დანამდვილებით შემიძლია, პირველი დაპირისპირება, რომელიც "ბერნაბეუზე" შედგება, აუცილებლად სამეფო კლუბის ტრიუმფით დასრულდება."
- 12 აპრილი 2011
- 2348
- 0
ინფორმაცია
ჯგუფ სტუმარი-ის წევრებს არ აქვთ კომენტარის დატოვების უფლება.
