მადრიდის ”რეალი” სტატისტიკური მონაცემებით, ჩემპიონთა ლიგაზე ძალიან შთამბეჭდავად გამოიყურება. სამეფო კლუბი ყველა ასპექტში პირველია. მადრიდელებმა ჯგუფურ ეტაპზე ყველაზე მეტი ქულა დააგროვეს, გაიტანეს 23 გოლი და მხოლოდ 3 მიიღეს...

წლევანდელი წლის ჯგუფური ეტაპი ”მერენგებისთვის” იყო ერთ-ერთი საუკეთესო მათი არსებობის ისტორიაში. ყველაფერი ”აიაქსთან” გამარჯვებით დაიწყო, სადაც ”რეალმა” ნამდვილი სპექტაკლი შესთავაზა მაყურებელს და 2-0 იმარჯვა, ხოლო ბოლო მატჩი კი ”თეთრებმა” ”ოსერთან” გამართეს, სადაც კარიმ ბენზემას ჰეტ-ტრიკის წყალობით მოიპოვეს წარმატება. დაგროვებული ქულების გარდა, მადრიდულმა კლუბმა მხოლოდ 2 ბურთი გაუშვა, რაც უნიკალური შედეგია.

სამეფო კლუბის სტატისტიკა გაცილებით გაუმჯობესდა მას შემდეგ, რაც ჟოზე მოურინიოს შეგირდებმა ”ტოტენჰემი” 4-0 გაანადგურეს. შეიძლება ითქვას, რომ ”რეალი” შესანიშნავად გამოდის ევროპულ ტურნირზე.

დედაქალაქელებმა სულ კარის მიმართულებით 197-ჯერ დაარტყეს და აღსანიშნავია, რომ 62-ჯერ მარტო კრიშტიანომ სცადა ბედი. 197 დარტყმულიდან, კარისკენ 71 წავიდა. გოლების გატანის მცდელობების გარდა, მადრიდელები ასისტენტობაშიც პირველზე არიან ”ბარსელონასთან”. ეს ყველაფერი კი ოზილის ხარჯზე ხდება, რომელსაც ჩემპიონთა ლიგაზე 7 საგოლე გადაცემა დაუგროვდა.

კასილასი 3 გაშვებული გოლით საუკეთესოა ევროპის ყველაზე პრესტიჟულ ტურნირზე. ედვინ ვან დერ საარი, მას ოდნავ უსწრებს, თუმცა აღსანიშნავია, რომ წითელი ”ეშმაკების” გოლკიპერს ერთი მატჩი გამოტოვებული აქვს.