მოდი ყველაფერი თავიდან დავიწყოთ... "ბერნაბეუზე" საოცარი ატმოსფერო სუფევდა. მეოთხედფინალს მონატრებული მადრიდისტები დიდი იმედებით იყვნენ, ამხნევებდნენ თავიანთ გუნდს და რაც მთავარია გამარჯვების მოლოდინში იყვნენ. 90 წუთის განმავლობაში "ბერნაბეუ" არ გაჩერებულა. მოედანზე თითქმის ყველა გულშემატკივარს მადრიდის "რეალის" დროშა დაურიგდა. საერთო ჯამში დაახლოებით 80 000 თეთრი ალამი ფრიალებდა მატჩის მიმდინარეობისას.

"რეალმა" პირველივე წუთებიდანვე დაიწყო შეტევა. ნელ-ნელა გოლი მწიფდებოდა. უმეტესად ფლანგებიდან აქტიურობდნენ მადრიდისტები. შეხვედრის მეოთხე წუთზე კუთხური დაინიშნა,რომელიც გოლად იქცა. ადებაიორმა თავური დარტყმით ბურთი კარისკენ გადაგზავნა. ლონდონელთა კარის ხაზთან ქაოსი წარმოიშვა. ლუკა მოდრიჩმა და ილარიო გომესმა ერთმანეთს ვერ გაუგეს და რამდენიმე რიკოშეტის შედეგად ბურთმა "ტოტენჰემის" კარში შეაღწია - 1-0.



პირველი ტაიმში მეტი გოლი აღარ გასულა მიუხედავად მრავალი მცდელობისა, მაგრამ იყო უამრავი დასამხსოვრებელი მომენტი, მათ შორის უმთავრესი ალბათ, კრაუჩის გაძევება და არდანიშნული თერთმეტმეტრიანი იყო, მაგრამ ამაზე მოგვიანებით. ჯერ კი - გოლებზე გავამახვილოთ ყურადღება. მეორე ტაიმის დასაწყისიდან "ბლანკოსმა" კვალავ დაიწყო მეტოქის დაწიოკება. განსაკუთრებით მარსელო აქტიურობდა. მან 57-ე წუთზე შესანიშნავად აუწოდა ბურთი ადებაიორს თავზე, ამ უკანსაკნელმაც ასევე შესანიშნავადვე გაგზავნა ბურთი გომესის კარის მიმართულებით, ეს უკანასკნელი უძლური აღმოჩნდა - 2-0.



ლონდონელებს არაფერი არ გამოსდიოდათ. "რეალი" გამუდმებით უტევდა და ნათელი ხდებოდა,რომ გოლები კიდევ გავიდოდა. პირევლ ტაიმში შედარებით პასიური რონალდო, მეორე ნახევარში გამოცოცხლდა და უდიდეს ხიფათს ქმნიდა მეტოქის კართან. ასევე აქტიურობდა ანხელ დი მარიაც. არგენტინელმა ფეხბურთელმა 73-ე წუთზე შეტევის მარჯვენა ფლანგიდან ერთი მოძრაობით ჩამოიშორა მცველი და მოჭრილი დარტყმით საჯარიმოს მისადგომებიდან გომესის კარში გადაგზავნა. ბრაზილიელი მეკარე ბურთს ვერ შეწვდა და - 3-0.



ამის შემდეგ ჰარი რედნაპმაც და ჟოზე მორინიომაც ცვლილებები განახორციელეს. ადებაიორის, ხედირას და დი მარიას ნაცვლად იგუაინი, დიარა და კაკა გამოვიდა. შემოსული ფეხბურთელები საოცრად ათამაშებულ გუნდს სწრაფად შეეწყო და ლონდონელთა აწიოკება გაგრძელდა. 89-ე წუთზე მარსელო-დიარა-კაკას კომბინაციას რონალდოს გოლი მოჰყვა. დაწვრილებით - მარსელომ მარცხენა ფლანგზე ბურთი მიიღო და ლასანას მიაწოდა, ამ უკანასკნელმა კი საჯარიმოსკენ მოძრავ კაკას გადააწოდა. ბრაზილელი პლეიმეიკერი ეფექტურად შეიჭრა და რბილი,მაღალი გადაცემით, რამდენიმე მცველს თავზე გადაუგდო ბურთი და რონალდოს ფეხზე "დაასვა". პორტუგალიელმა კი დარტყმა უზადოდ შეასრულა და კარის ბადეში მოათავსა. აღსანიშნავია ისიც,რომ გომესმა შეცდომა დაუშვა. - 4-0.



საბოლოოდ მატჩი 4-0 დასრულდა. "რეალმა" იოლი გამარჯვება მოიპოვა, მაგრამ მატჩის შემდეგ უამრავი მითქმა-მოთქმა იყო მსაჯობაზე. შეხვედრის გერმანელმა არბიტრმა "ესპანურად" იმსაჯა. მან რამდენიმე თვალშისაცემი შეცდომა დაუშვა. ყველაზე მტავარი ალბათ არდანიშნული თერთმეტმეტრიანი იყო. დი მარიას დარტყმულ ბურთს საჯარიმოში მყოფი მცველი ხელებით გადაეღობა და დარტყმა უგულებელყო. მსაჯ(ებ)ის რექცია - 0. შეხვედრის მთავარი არბიტრი, გვერდითი არბიტრი და კარის უკან მდგომი "ვითომ" არბიტრი ამ მომენტს კარგად ადევნებდა თვალს და გასაკვირია რომ ვერაფერი ვერ (არ) შენიშნეს. მეორე დასამხსოვრებელი მომენტი კი კრაუჩის გაძევებაა. ბევრი მიიჩნევს,რომ ინგლისელი წითელი ბარათოს ღირსი არ იყო. ორივე შემთხვევაში შეიძლებოდა,რომ მსაჯს ყვითელი ბარათი არ ამოეღო.


















































სტატიის ავტორი: ვახო ხოჯაშვილი (wishmaster)

������� dle 10.1������� ������� ������