ჩემპიონთა ლიგის ფინალამდე, ყველა მატჩი უმნიშვნელოვანესია. სამეფო კლუბი ფლეიოფში კიდევ ორ შეხვედრას გამართავს და ერთ-ერთი მათგანი იქნება სწორედ სამშაბათს. ხაბი ალონსო, ალვარო არბელოა, ჟოზე მოურინიო და რიკარდო კარვალიო, ხალხს მოუწოდებენ, რომ მათ ბოლომდე უგულშემატკივრონ საყვარელ გუნდს და დიდი როლი ითამაშონ მადრიდელთა გამარჯვებაში...

როგორც მოგეხსენებათ, ”სანტიაგო ბერნაბეუს” დიდი ისტორია აქვს და ამ ლეგენდარულ სტადიონზე ძალიან ბევრი შთამბეჭდავი ევროპული საღამო ჩატარებულა, თუნდაც გავიხსენოთ დაბრუნება ”ბაიერნთან” მატჩში. ასევე აღსანიშნავია 1980 წელი, სწორედ ამ დღეს დაერქვა ”რეალის” სტადიონს, ”ღამის კოშმარების ადგილი”.

”ლიონთან” მატჩის წინ, სამეფო კლუბის ფეხბურთელებმა ფანებს დახმარება სთხოვეს. მადრიდისტები ვარაუდობდნენ, რომ კარგი გულშემატკივრობის შემთხვევაში, მადრიდის ”რეალი” აუცილებლად მოუგებდა ოპონენტს და ეს ასეც მოხდა. ახლა კი ”ტოტენჰემის” ჯერია და ფეხბურთის პორტუგალიელი სპეციალისტი, ჟოზე მოურინიო მოუწოდებს ქომაგებს აქტიური გულშემატკივრობისკენ. ეს ამ მატჩში ძალიან მნიშვნელოვანი იქნება.

”ვიცით, რომ ინგლისში ძალიან კარგი გულშემატკივრობაა, მაგრამ არ უნდა დაგვავიწყდეს ადგილი, სადაც ბევრი საინტერესო ევროპული საღამო ჩატარებულა. ამ ადგილს კი ”სანტიაგო ბენრნაბეუ” ჰქვია, სადაც ყველაფერი შესაძლებელია, ასე, რომ ყველას მოგიწოდებთ, მოხვიდეთ და ბოლომდე უქომაგოთ სამეფო კლუბს. წინ დიდი გამარჯვებებისკენ!!!” - აცხადებენ ალონსო, არბელოა, კარვალიო და მოურინიო.


წყარო:realmadrid.com������� dle 10.1������� ������� ������