"ლიონის" ფეხბურთელი მირალემ პიანიჩი ოპტიმისტურადაა განწყობილი, მადრიდის "რეალთან" გასამართი მატჩის წინ და იმედი აქვს, რომ შემდეგ ეტაპზე სწორედ ისინი გავლენ. "ჩვენ მადრიდში გოლის გასატანად და შემდეგ ეტაპზე გასასვლელად ჩავდივართ. ამისათვის, ისეთ დონეზეა თამაში საჭირო, რომელ დონეზეც ამჟამად ვიმყოფებით."

დუელი მადრიდის "რეალსა" და "ლიონს" შორის ოთხშაბათს სანტიაგო ბერნაბეუზე გაიმართება. პირველი თამაში 22 თებერვალს ფრედ (1-1) დასრულდა. წინა წელს, პიანიჩმა გადამწყვეტი გოლი გაიტანა, რომელიც "ლიონს" შემდეგ ეტაპზე გასვლაში დაეხმარა.

"არაფერი მაქვს საწინააღმდეგო, თუკი იგივე განმეორდება. პირიქით, ჩემზე ბედნიერი ადამიანი არსად არ იქნება. თუ მწვრთნელი მენდობა, მე ყველაფერს გავაკეთებ გუნდის დასახმარებლად." - დაასრულა პიანიჩმა.