მადრიდის "რეალის" მთავარი მწვრთნელი, პორტუგალიელი, ჟოზე მოურინიო ამბობს, რომ მისი მომავალი აუცილებლად დაუკავშირდება ინგლისს. ასევე თვლის, რომ იტალიაში "დაუჯერებელი" 2 წლიანი გამოცდილება მიიღო.

იტალიურ რადიოსთან ინტერვიუში, პორტუგალიელმა სპეციალისტმა, აღნიშნა რომ მისთვის ძალიან რთულია თავისი ყოფილი კლუბის "ინტერის" წინააღმდეგ თამაში. ასევე დასძინა: "პროფესიონალს არასოდეს შეუძლია თქვას, არასოდეს." "ინგლისი ჩემთვის იყო საოცარი 3 წლიანი გამოცდილება, როგორც ფეხბურთის მხრივ, ასევე ცხოვრებისეულად. აქ ვისწავლე, ურთიერთპატივისცემა, სამართლიანი თამაში, საზოგადოებრივი ცხოვრება, სიმშვიდე." - თქვა მოურინიომ. "ყველაფერი მართლაც ძალიან მომწონდა, სწორედ ამიტომ ინგლისი ყოველთვის წარმოადგენს ჩემს მომავალს."
პორტუგალიელი ასევე ირწმუნება, რომ იტალიაში მიღებული გამოცდილება იყო "ზღაპრული, სრულყოფილი" და კვლავაც უყვარს "ინტერი" და "ნერაძურის" გულშემატკვირები. "თამაში "ინტერის" წინააღმდეგ ჩემთვის ძალიან რთული იქნება" - თქვა მოურინიომ, რომელიც განმარტავს, რომ ყოველთვის უნდა იტალიურ კლუბთან კონტაქტი, გუნდთან რომელიც ჩემპიონთა ლიგის მოქმედი ჩემპიონია.
ასევე მოურინიო გამოეხმაურა, უკანასკნელ თავდასხმას, რომელიც პორტუგალიელის მიმართ განხორციელდა. "მე არ ვიცი ზუსტად რა მოხდა. მხოლოდ ვიცი, რომ ერთ-ერთი უსაფრთხოების თანამშრომელი, რომელიც ჩემ გვერდით იდგა, სამწუხაროდ დაშავდა. გულშემატკივრები ცდილობენ ფიზიკურად შეხებას, ფოტოს გადაღებას და სამწუხაროდ მათ შორის ხანდახან არის აღშფოთებული გულშემატკივარი, რომელიც ცდილობს ფიზიკური შეურაცხყოფის მოყენებას." - დაასრულა მადრიდის "რეალის" თავკაცმა.

P.S. ჩემი პირველი სტატია ...������� dle 10.1������� ������� ������