პარდესა : "ნეგრედოს საკითხი მხოლოდ ჩვენზეა დამოკიდებული"
მადრიდის "რეალის" სპორტულმა დირექტორმა, მიგელ პარდესამ ჟურნალისტებთან ინტერვიუში განაცხადა, რომ ალვარო ნეგრედოს განცხადებები არ არის სასიამოვნო მოსასმენი მისთვის და სამეფო კლუბის ინჩასებისთვის...
"ალვარო მადრიდისტაა და იგი "რეალზე" ასე არ უნდა საუბრობდეს, ნებისმიერი კანტერანოს ოცნებაა ძირითად გუნდში თამაში, როდესაც ასეთი შანსი მოგეცემა, უარი არ უნდა თქვა, რადგან ეს "ბლანკოსია" და არა რომელიმე რიგითი გუნდი. გაკვირვებული დავრჩი როდესაც ნეგრედოს ინტერვიუს შესახებ გავიგე, იგი "რეალზე" ცუდ ფრაზებს არ "ისვრის", მაგრამ ნალაპარაკებიდან გამომდინარე კარგად ჩანს, რომ მას ესპანეთის დედაქალაქზე არც ისე კარგი წარმოდგენა აქვს."
"სევილიაში თავს შესაძლოა კარგად გრძნობდე, მაგრამ თუ ნამდვილი მადრიდისტა ხარ, შენ მშობლიურ კლუბში უფრო კარგად ითამაშებ და იგრძნობ თავს. ალვაროს არაფერს დავაძალებთ, მაგრამ ყველამ იცოდეს, რომ მისი დარჩენა-არდარჩენის საკითხი მხოლოდ ჩვენს ხელთაა, თუკი ჩვენ კონტრაქტს გამოვისყიდით, იგი კვლავ მოირგებს "ბლანკოსის" ფორმას, მაგრამ თუკი მას არ უნდა აქ თამაში, მაშინ ვერაფერს დავაძალებთ, მადრიდის "რეალი" რამდენიმე მიმართულებით მუშაობს მაღალკვალიფიციური ფორვარდის შესაძენად."
- 10 მარტი 2011
- 1573
- 0
ინფორმაცია
ჯგუფ სტუმარი-ის წევრებს არ აქვთ კომენტარის დატოვების უფლება.
