დე ლა რედი იმედს არ კარგავს
რუბენ დე ლა რედის სპორტული მდგომარეობა ჯერ კვლავაც გაურკვეველია. პირად ცხოვრებაში კი, რუბენს პრობლემები საერთოდ არ აქვს, - ფეხბურთელმა გუშინ იქორწინა.
დე ლა რედის შესახებ ინფორმაცია სამშაბათს გავრცელდა, რომლის თანახმადაც, ფეხბურთელს მომდევნო სეზონის გამოტოვება უწევდა. თუმცა მიუცედავად ამისა, რუბენი გუნდს სეზონისწინა მოსამზადებელ ეტაპზე გაჰყვება და ფეხბურთელებთან ერთად იქნება.
“მძიმე მდგომარეობაში ვარ. ახლა მთავარი მოთმინებაა. ექიმების გადაწყვეტილება ფეხბურთიდან წასვლის შესახებ საბოლოო არაა. სწორედ ამის მეიმედება ყველაზე მეტად.” გუშინ, მოსტოლესსში, რუბენმა იქორწინა. რუბენსა და და მის მეუღლეს ტანიას, უკვე ჰყავთ შვილი, ოლივერი, რომელიც წლისა და 3 თვისაა. გუშინ კი, ფეხბურთელისთვის შესანიშნავი დღე გამოდგა. რუბენმა ის ოჯახისა და მეგობრების გარემოცვაში გაატარა. “დღევანდელი დღით ძალიან ბედნიერი ვარ. ოჯახი ჩემთვის ფეხბურთზე მნიშვნელოვანია,” - განაცხადა გახარებულმა დე ლა რედმა.
დე ლა რედმა ალბიოლის პრეზენტაციაზეც ისაუბრა: “რაული ჩემი უახლოესი მეგობარია. ძალიან გამიხარდა, როცა მან თქვა რომ, ფეხბურთში დაბრუნების შემდეგ, ჩემს ნომერს კვლავ უკან დამიბრუნებს. იმედი მაქვს, რომ 18 ნომერი რაულისთვის გაცილებით უფრო იღბლიანი იქნება, ვიდრე ეს ჩემთვის იყო...”
ინფორმაციის წყარო: As.Com
- 4 ივლისი 2009
- 2018
- 0
ინფორმაცია
ჯგუფ სტუმარი-ის წევრებს არ აქვთ კომენტარის დატოვების უფლება.