მსოფლიოს სამგზის საუკეთესო ფეხბურთელი, გალაქტიკოსებს იდეალურად ეწყობა და შესანიშნავად იწყებს თამაშს...

ფენომენმა მისი კარიერის უდიდესი ნაწილი სწორედ მადრიდის ”რეალში” გაატარა. ალბათ მისი საუკეთესო მატჩი თეთრ მაისურში, შედგა ჩემპიონთა ლიგის 1/4 ფინალში, სადაც სამეფო კლუბი ”მანჩესტერს” ხვდებოდა. ”ოლდ ტრაფორდზე”, რონალდომ და კამპანიამ სპექტაკლი დადგეს. იმ თამაშში ფენომენმა 3 გოლის გატანა მოახერხა. ის განაგრძობდა მსოფლიოს განცვიფრებას მისი ულამაზესი გოლებით. რონალდო გალაქტიკოსების განუყოფელი ნაწილი და ერთ-ერთი ლიდერი იყო.

ასევე ამ ნაწილში იხილავთ, თუ როგორ გადასცემენ ფენომენს მესამედ ოქროს ბურთს. 23-ე ნაწილში დაჯილდოვების ძალიან მცირე ნაწილია, მაგრამ ყველაფერი ნათლად არის ახსნილი. მსოფლიოს საუკეთესო ფეხბურთელის ტიტულის გარდა, რონალდო 2003 წელს იღებს ”წლის დაბრუნების” პრიზსაც. ალბათ ყველა მიხვდით, თუ რატომ მოიგო რონალდომ ეს პრიზიც. როგორც ვიცით რონალდომ 2 ურთულესი ტრავმის შემდეგ, დიდი შრომა გასწია, რათა სათანადოდ დაბრუნებულიყო და ეს ასეც მოხდა. ფენომენი კვლავ გახდა საუკეთესო ფეხბურთელი.

ამის გარდა ამ ნაწილში, იხილავთ რონალდოსა და ზინედინ ზიდანის დიალოგს. ისინი საქებარ სიტყვებს არ იშურებენ ერთმანეთის მიმართ. ასევე გამოიახატება მათი თავმდაბლობაც. ისინი ერთამენთს აქებენ და აცხადებენ, რომ ბედნიერები არიან ერთ გუნდში თამაშისთვის.