ესპანეთის ბასკმა თავდამსხმელმა ფერნანდო ლორიენტემ მისი გეგმები გაგვაცნო. ნანდოს თქმით, უახლოეს მომავალში იგი არ დატოვებს "ატლეტიკ ბილბაოს". როგორც მოგეხსენებათ, ფორვარდით "ბარსელონა" და მადრიდის "რეალია" დაინტერესებული.

"მიხარია, რომ ჩემით ინტერესდებიან გრანდები."მანჩესტერ იუნაიტედი", "რეალი" და "ბარსელონა" მართლაც საუკეთესო კლუბებად მიმაჩნია და ამის საფუძველი ნამდვილად მაქვს. ბასკეთში თავს მშვენივრად ვგრძნობ. აქ მე მყავს უამრავი მეგობარი, რომლებიც ჩემი ცხოვრების უმნიშვნელოვანეს ადგილს იკავებენ. ყოველთვის მინდოდა "კულეს" რიგებში გამოსვლა. იმედია, რომ ოდესმე ამ ოცნებას ავისრულებ, თუმცა "სამეფო" კლუბში თამაშზე უარს ნამდვილად არავინ ა იტყოდა და მათ შორის მეც. სამომავლოდ არ ვაპირებ "ბილბაოს" დატოვებას, "ატლეტიკში" თავს შესანიშნავად ვგრძნობ. ჩვენ გვყავს ქომაგები, მაგრამ ჩვეულებრივი არა. ისინი განსაკუთრებულები არიან, რომლებიც თითოეულ მატჩში წარმატების მიღწევაში გვეხმარებიან, რის გამოც გულშემატკივრებს დიდ მადლობას ვუხდი. ვიმედოვნებ, რომ მათ სიხარულს მივანიჭებ".

შეგახსენებთ, რომ ზემოთხსენებული ფორვარდის სავარაუდო სატრანსფერო ღირებულება 36 მილიონს უტოლდება, რაც დამეთანხმებით საკმაოდ დიდი თანხაა, თუმცა ეს იმად ნამდვილად ღირს, რომ კლუბში გყავდეს ამ დონის ფორვარდი.

ინფორმაციის წყარო: Sport.Es & As.COm������� dle 10.1������� ������� ������