არბელოა: ”კვირის შეხვედრა საკმაოდ რთული იქნება”
სამეფო კლუბის განაპირა მცველმა, არბელოამ, ”რეალ სოსიედადთან” დაპირისპირებამდე, ”bwin”-თან ჩაწერა ინტერვიუ.
”დარწმუნებული ვარ, რომ კვირას გასამართი დაპირისპირება სანახაობრივი იქნება.მადრიდისტები თავდაუზოგავად ვემზადებოდით ბასკებთან თამაშისათვის და იმედია, გამარჯვება სწორედ ჩვენ გვხდება წილად.ჩემპიონატის პირველ წრეში, ”რეალ სოსიედადი” საკუთარ ”ანოეტაზე” დავამარცხეთ და ამჯერად მათი ძლევა ”ბერნაბეუზე” უნდა მოვახერხოთ.”
”სოსიედადი” ძლიერი გუნდია, განსაკუთრებით აღნიშვნის ღირსია, მათი შეტევითი ხაზი.ხავი პრიეტო და გრიესმანი ბრწყინვალე სეზონს ატარებენ.ისინი არანაირ ზეწოლას არ განიცდიან და თავს კომფორტულად გრძნობენ.ნიშანდობლივია, რომ ჩვენმა მოწინააღმდეგემ, ნახევარდაცვაშიც შეძლო პრობლემების აღმოფხვრა.მოკლედ, ძალზედ ყურადღებით უნდა ვიყოთ.”
”მე სხვადასხვა პოზიციებზე მიწევს ასპარეზობა, მაგრამ ვფიქრობ, რომ ყველაზე კარგად მარჯვენა მცველის ამპლუაში ვგრძნობ თავს.”
”ალბათ, დამეთანხმებით, რომ რთულია ჩემი პოზიციის ფეხბურთელისათვის გოლების გატანა.გასულ სეზონში 2 ბურთის შეგდება მოვახერხე.ვნახოთ, წელს რა იქნება.”
- 4 თებერვალი 2011
- 1556
- 0
ინფორმაცია
ჯგუფ სტუმარი-ის წევრებს არ აქვთ კომენტარის დატოვების უფლება.
