პირველი გოლი "თეთრებმა" სახლში გამართულ შეხვედრაში გაიტანეს 1903 წელს.მათი მეტოქე იყო "ესპანიოლი". ისტორიული გოლის ავტორი გახდა ხირალტი.

სანტიაგო ბერნაბეუმდე "სამეფო კლუბის" სტადიონები იყო "O'Donnel", "Velodromo De Sudad Lineal", "Metropolitano" და ლეგენდარული "Chamertin". 4998 გოლიდან 3893 გატანილია "სანტიაგო ბერნაბეუზე", რომლის ოფიციალური გახსნა შედგა 1947 წელს ბელენენსესთან მატჩში. აგრეთვე იყო პერიოდი, როცა რეალი საშინაო არენად "ვისენტე კალდერონდს" იყენებდა. ბოლოს ეს მოხდა 1994 წელს სამეფო თასის შეხვედრაზე "რაიო ვალეკანოს წინააღმდეგ". იყო დრო, როცა "ბლანკოსს" უფლება წაერთვა ჩაეტარებინა შეხვედრა საშინაო არენაზე. 1987-1988 წლებში "თეთრებმა" საშინაო შეხვედრა ვალენსიას სტადიონზე ჩაატარეს (ამ შეხვედრაში რეალმა პორტუ დაამარცხა ანგარიშით 2-1).

დღეს, სამეფო კლუბი ისტორიული ფაქტის წინაშე დგას. მათ შეუძლიათ სამეფო კლუბის საშინაო შეხვედრებში გატანილი გოლების რაოდენობა 5000-მდე გაზარდონ. შეძლებს თუ არა ამის გაკეთებას, ძალიან მალე გაირკვევა.