რამოსი : "როტაცია აუცილებელი იყო"
მადრიდის "რეალის" ვიცე კაპიტანმა, სერხიო რამოსმა "მალიორკასთან" შეხვედრის შემდეგ ჟურნალისტებთან განაცხადა, რომ გადახალისებული შემადგენლობის გამოყვანა აუცილებელი იყო ფეხბურთელების დასვენების მიზნით...
"ჩვენ არ გვითამაშია კარგი ფეხბურთი, მაგრამ დღევანდელ საღამოს მთავარი მხოლოდ 3 ქულა იყო, ეს მისია შესრულებულია და ვაგრძელებთ ბრძოლას ჩემპიონობისათვის. მწვრთნელმა როტაცია მოახდინა და თერთმეტეულში ფერნანდო გაგო რიკარდო კაკასთან ერთად გამწესდა. ამით დასვენების საშუალება მიეცათ ხაბი ალონსოსა და მესუთ ოზილს, რომლებიც გადაღლილები იყვნენ, მწვრთნელმა თითოეული ფეხბურთელის ფიზიკური კონდიცია იცის და მის გადაწყვეტილებებში ჩარევის უფლება არავის აქვს."
"სამეფო თასზე დიდი ხანია ნახევარფინალში არ გვიასპარეზია, წელს კი ამ ტურნირზე წარმატებას ვაღწევთ, იმედი მაქვს "სევილიელებს" დავამარცხებთ და ფინალის საგზურს მოვიპოვებთ."
"კარიმ ბენზემა გატანილი გოლით ძალიან გახარებულია, რადგან მას ეს ფსიქოლოგიურად დაეხმარება, ფრანგ ფორვარდს სჭირდება თანაგუნდელებისა და გულშემატკივრების დახმარება."
- 24 იანვარი 2011
- 2015
- 0
ინფორმაცია
ჯგუფ სტუმარი-ის წევრებს არ აქვთ კომენტარის დატოვების უფლება.
