რამდენიმე წუთის წინ საინფორმაციო წყარო "As"-ის ვებ-გვერდზე ახალი ინფორმაცია გამოჩნდა, რომელიც სამეფო კლუბის ფრანგ ნახევარმცველს, ლასანა დიარას ეხება...

მოგეხსენებათ, სამეფო კლუბს ძალიან სურს ზამთრის სატრანსფერო ფანჯრის დასრულებამდე ერთი ფორვარდის შეძენა. ასევე მოგეხსენებათ, რომ რამდენიმე კანდიდატურა განიხილება, ერთ-ერთი არის ბრაზილიელი კარვალიო ამაური, რომელიც ამჟამად ტურინის "იუვენტუსის" ღირსებას იცავს.

იტალიელებს ძალიან სურთ ლასის შეძენა, რადგან თვლიან, რომ ფრანგი მოთამაშე ბრწყინვალედ შეცვლის მომო სისოკოს.

გავრცელებული ინფორმაციით ფლორენტინო პერესი ამ საკითხთან დაკავშირბით უკვე მუშაობს, მადრიდელთათვის ლასის გაშვება დიდ პრობლემას არ წარმოადგენს, ამაურის დამატება კი ჟოზე მოურინიოს წინა ხაზის გაძლიერების მანიშნებელი იქნება.

დიდი შანსია იმისა, რომ ეს ფეხბურთელები გაიცვალონ, რადგან "იუვენტუსს" ნახევარდაცვაში აქვს პრობლემები, "რეალს" კი თავდასხმაში.

TuToSport-ის ინფორმაციით იტალიელები ყველაფერზე თანახმანი არიან, მაგრამ ამ ყველაფერს ერთი ფაქტორი უშლის ხელს, რომელსაც რუუდ ვან ნისტელროი ჰქვია, მადრიდელები იმიტომ იკავებენ თავს, რომ მათ ჯერ-ჯერობით რუდის დაბრუნების იმედი არ დაუკარგავთ. სატრანსფერო ფანჯრის დახურვამდე სულ ცოტა დრო დარჩა, ამიტომ პერესს და ვალდანოს სწრაფი გადაწყვეტილების მიღება მოუწევთ.������� dle 10.1������� ������� ������