ერთი შეტყობინება და ბასკთა ბიუჯეტს 35 მილიონი დაემატება
კარიმ ბენზემა ძალიან ცუდ ფორმაშია და მის იმედზე ყოფნა ჟოზე მოურინიოს არ სურს. ფრანგი თავდამსხმელის ტრანსფერმა "რეალში" თამამად შეგვიძლა ვთქვათ, რომ ვერ გაამართლა, გუნდი ფორვარდის ძიებაშია...
მოგეხსენებათ, ბევრი კანდიდატი განიხილება. ყველაზე დიდი ინტერესი "ბლანკოსის" მესვეურებს, ბილბაოელი ფერნანდო ლორენტეს მიმართ აქვთ, რომელსაც ბასკთა პრეზიდენტი "კბილებით" იჭერს.
სახელდება თანხაც, რომელიც ყოველდღიურად თამაშობს. თავდაპირველი განცხადებით "ატლეტიკი" ფერნანდოს მხოლოდ 65 მილიონ ევროდ შეელეოდა, რაც მეტად არარეალური იყო. შემდეგ ამ თანხამ 20 მილიონით მოიკლო.
გუშინ გავრცელებული ინფორმაციით ფლორენტინო პერესი 35 მილიონზე მეტის გაღებას არ აპირებს და თუკი "ბილბაო" ამაზე თანახმა იქნება, სამეფო კლუბის პრეზიდენტი მზადაა დასტურის შეტყობინების მიღებისთანავე გადარიცხოს ხსენებული თანხა "ბილბაოელთა" ანგარიშზე.
თავად ფეხბურთელი ამ საკითხთან დაკავშირებით არ საუბრობს და ჟურნალისტებს სთხოვს, რომ ზედმეტი კითხვებისგან თავი შეიკავონ.
- 11 იანვარი 2011
- 2467
- 0
ინფორმაცია
ჯგუფ სტუმარი-ის წევრებს არ აქვთ კომენტარის დატოვების უფლება.
