მოგეხსენებათ, მადრიდის "რეალის" "აქილევსის ქუსლი" ყოველთვის უკანა ხაზი იყო...

მას შემდეგ, რაც სამეფო კლუბის მთავარი მწვრთნელი ჟოზე მოურინიო გახდა, გუნდმა 25 მატჩი ჩაატარა და აქედან 15-ჯერ კარის მშრალად შენახვა შეძლო, რაც უდავოდ უდიდესი მაჩვენებელია "ბლანკოსისათვის". "მერენგების" საუკეთესო შედეგი ამ მხრივ შორეულ წარსულში დაფიქსირდა, როდესაც გუნდმა 17 მატჩი ჩაატარა და აქედან მხოლოდ 6-ში გაუშვა გოლი, 11 შეხვედრაში კი კარი მშრალად იქნა შენახული.

წლევანდელ სეზონში მადრიდის "რეალის" მოთამაშეებს ბრწყინვალე შედეგი აქვთ. 25 შეხვედრიდან 15-ში იკერი არ დამწუხრებულა. მოურინიოს დამოძღვილებმა ლა ლიგის 16 შეხვედრიდან 8-ში გაუშვეს გოლი. ჩემპიონთა ლიგაზე გუნდი ძალიან სტაბილურია, აქ "ბლანკოსს" 6 თამაში აქვს ჩატარებული და მოწინააღმდეგემ მხოლოდ 1 მატჩში მოახერხა კასილასის კარის აღება. (ეს იყო "მილანთან" მატჩი.). სამეფო თასზე კი გუნდს მხოლოდ ერთ თამაშში აქვს გოლი გაშვებული.