რაული ესპანეთში ბრუნდება
ჩემპიონთა ლიგის კენჭისყრის დასრულების შემდეგ გაირკვა, რომ რაულ გონსალეს ბლანკოს "შალკე 04" Play-Off-ში ესპანურ "ვალენსიას" დაუპირისპირდება...
"შალკეს" უდავო ლიდერს და გოლეადორს უდიდესი დრო აქვს ესპანეთში გატარებული და "ვალენსიასთან" ბევრჯერ უთამაშია. მადრიდის "რეალში" ასპარეზობის დროს რაულს ბევრჯერ უწევდა "ღამურებთან" ურთიერთობის გარკვევა. გონსალესს ვალენსიელთა მეკარე არაერთხელ ჰყავს დამწუხრებული.
თებერვალში რაული საკუთარ სამშობლოს "შალკეს" ლურჯი მაისურით დაუბრუნდება და გერმანული კლუბის წარმატებისთვის იბრძოლებს. რაულთან ერთად ესპანეთში დაბრუნდებიან ყოფილი მადრიდელები: კრისტოფ მეტცელდერი და კლაას იან ჰუნტელაარი, რომლებმაც ცოტა ხნის წინ დატოვეს "ბლანკოსი" და გერმანიაში გადაბარგდნენ.
"ვალენსია" და "შალკე" ერთმანეთს ბოლოს 2007 წელს შეხვდნენ, მაშინ ესპანელებმა მინიმალური ანგარიშით 1-0 გაიმარჯვეს, გოლის გატანა ყოფილმა "ვალენსიელმა" დავიდ ვილამ შეძლო.
- 17 დეკემბერი 2010
- 2758
- 0
ინფორმაცია
ჯგუფ სტუმარი-ის წევრებს არ აქვთ კომენტარის დატოვების უფლება.
