მორატას დებიუტი წარმატებული გამოდგა
"სარაგოსასთან" შეხვედრის 89-ე წუთზე, სამეფო კლუბის მთავარმა მწვრთნელმა, ჟოზე მოურინიომ ახალგაზრდა კანტერანოს, მორატას მისცა მოედანზე გასვლის შანსი. ახალგაზრდა კასტილიელი მოედანზე დამაჯერებლად გამოიყურებოდა და მისი დებიუტი მადრიდის "რეალის" მთავარი გუნდში ბრწყინვალე გამოდგა...
დროის სიმცირის მიუხედავად "კანტერანო" მშვენივრად ჩაერთო თამაშში და რამდენიმე შეტევაშიც მიიღო მონაწილეობა.
ახალგაზრდა მოთამაშე უბედნიერესი იყო იმით, რომ მოახერხა სანტიაგო "ბერნაბეუზე" სამეფო კლუბის მთავარ გუნდთან ერთად თამაში რამდენიმე წუთის მანძილზე.
მორატას მითითებები აიტორ კარანკამ მისცა და თან უთხრა, რომ მშვიდად და აუღელვებლად გაეტარებინა დარჩენილი დრო.
ახალგაზრდა კანტერანომ ეს დღე მისი ოჯახის წევრებს, მეგობრებს და ყველა გულშემატკივარს მიუძღვნა. მისი დებიუტი "ბლანკოსში" 18 წლის ასაკში შედგა, იგი იმედოვნებს, რომ "ბერნაბეუზე" ასპარეზობა კიდევ ბევრჯერ მოუწევს.
- 13 დეკემბერი 2010
- 1656
- 0
ინფორმაცია
ჯგუფ სტუმარი-ის წევრებს არ აქვთ კომენტარის დატოვების უფლება.
