მოგეხსენებათ, მადრიდის "რეალი" დღეს "სარაგოსას" დაუპირისპირდება და მომდევნო 3 ქულის მოპოვებას შეეცდება. ამ მატჩს დიდი დატვირთვა აქვს იმ მხრივ, რომ მე-400 იქნება იკერ კასილასისთვის, რაც უდიდესი შედეგია. სამეფო კლუბს სურს, რომ დეკემბრის თვეში ყველა შეხვედრა მოიგოს, ამისათვის დღევანდელი მატჩის მოგება აუცილებელია. ჟოზე მოურინიოს განკარგულებაში სერხიო რამოსი და სამი ხედირა არ იქნებიან, რადგან მათ ტრავმები აქვთ, მათი სავარაუდო შემცვლელები ალვარო არბელოა და ლასანა დიარა იქნებიან. რიკარდო კარვალიო გუნდს დაუბრუნდა და სათამაშოდ 100%-ით მზად არის, პორტუგალიელი დაპირისპირებას ძირითად თერთმეტეულთან ერთად დაიწყებს...

დეკემბრის თვეში "მერენგებმა" უკვე ორი შეხვედრის ჩატარება მოასწრეს, ერთი "ვალენსიასთან" ხოლო ერთიც "ოსერთან", რომელიც ჩემპიონთა ლიგის ეგიდით გაიმართა. მათ ამ თვეში 100 %-იანი შედეგი აქვთ და იმედოვნებენ, რომ "სარაგოსასთანაც" მოახერხებენ ქულების მოპოვებას.

სასიამოვნოა ის ფაქტი, რომ ჟოზეს განკარგულებაში რიკარდო კარვალიო დაბრუნდა, რომელსაც დისკვალიფიკაცია ჰქონდა, მაგრამ გუნდს კიდევ ბევრი ფეხბურთელი აკლდება, ესენი არიან: სამი ხედირა, სერხიო რამოსი, ფერნანდო გაგო, იეჟი დუდეკი, სერხიო კანალესი, რიკარდო კაკა და გონსალო იგუაინი. როგორც ხედავთ გუნდში მართლაც არის სერიოზული პრობლემები.



"სარაგოსას" სათავეში ამჟამად გამოცდილი მწვრთნელი, ხავიერ აგირე დგას, რომელიც ძალიან დამაიმედებელია. მას აქვს ედმილსონის, სინამა პონიოლის და კიდევ რამდენიმე გამოცდილი ფეხბურთელის იმედი. არაგონელები ლა ლიგაში ადგილის შესანარჩუნებლად იბრძვიან.������� dle 10.1������� ������� ������