პეპეს შეძენით ბაიერნიც ინტერესდება
მოგეხსენებათ, სამეფო კლუბის პორტუგალიელ მცველს, პეპეს, გუნდის ხელმძღვანელობასთან პრობლემები აქვს. კონტრაქტის გახანგრძლივების საკითხი ძალიან გაჭინაურდა და ეს არცერთ მხარეს არ აძლევს ხელს. პრესაში უკვე დიდი ხანია მიდის იმაზე საუბარი, რომ "სამიანი" გუნდს დატოვებს...
გაპორტუგალიელებულ ბრაზილიელზე ნამდვილი ნადირობაა გამოცხადებული. მისით რამდენიმე გრანდი ინტერესდება და საკმაოდ დამაკმაყოფილებელ ფულსაც იხდის, ყველაზე მეტად მილანის "ინტერის" და მანჩესტერ "სიტი" აქტიურობენ თუმცა დღეს გავრცელებული ინფორმაციით ზამთრის სატრანსფერო ფანჯრის დროს მიუნხენის "ბაიერნიც" იაქტიურებს და ეცდება მცველის დამატებას.
თავის დროზე პეპე მადრიდში 30 მილიონი ევროს სანაცვლოდ გადაბარგდა და თამამად შეიძლება ითქვას, რომ მან გაცემული ავანსი გაამართლა და ძირითადი შემადგენლობის უცვლელ წევრად იქცა. ერთადერთი პრობლემა რაც მას ხელს უშლიდა თამაშში, ხშირი ტრავმიანობა იყო.
მიუნხენური გუნდის მესვეურები თანხის დასახელებისგა ჯერ-ჯერობით თავს იკავებენ, მაგრამ სავარაუდოა, რომ "ბლანკოსი" ერთ-ერთი ლიდერს პატარა ფასში არ შეელევა, ამიტომ მსურველს დიდი თანხის გადახდა მოუწევს, სავარაუდოდ პეპეს შეძენის მსურველმა 23-26 მილიონი ევროთი უნდა გაითხელოს ჯიბე.
- 11 დეკემბერი 2010
- 1726
- 0
ინფორმაცია
ჯგუფ სტუმარი-ის წევრებს არ აქვთ კომენტარის დატოვების უფლება.
