მოგეხსენებათ, მადრიდის "რეალი" უკვე გასულია უეფას ჩემპიონთა ლიგის 1/8 ფინალში, რადგან გუნდმა ნაადრევად მოაგროვა ქულათა ის რაოდენობა, რომელიც იძლევა Play off-ში თამაშის საშუალებას, თუმცა "ოსერთან" შეხვედრას მოურინიოს გუნდისთვის დიდი მნიშვნელობა ექნება...

ჩემპიონთა ლიგის ჯგუფური ეტაპის ისტორიაში გუნდს არასდროს აქვს 5 მოგება და 1 ფრე ნაჩვენები, ახლა კი ფრანგებთან მოგების შემთხვევაში სწორედ ასეთი შედეგი ექნება და მოიხსნება ყველა დროის რეკორდი. მოურინიოს შეუძლია კიდევ ერთი ასპექტით შევიდეს ისტორიაში. ამ მატჩს დიდი მნიშვნელობა ექნება კრიშტიანო რონალდოსთვისაც, რადგან მას ჯგუფის საუკეთესო ბომბარდირობის საშუალება აქვს, ამ დროისთვის პორტუგალიელი მხოლოდ ზლატან იბრაჰიმოვიჩს ჩამორჩება, რონალდო ყველაფერს გააკეთებს "ოსერის" კარში რაც შეიძლება მეტი გოლის გასატანად.

სამეფო კლუბს ჩემპიონთა ლიგის ჯფუფურ ეტაპზე ფრანგულ კლუბებთან 6 მოგება, 3 ფრე და 1 წაგება აქვს, ეს სტატისტიკა ნამდვილად დამაიმედებელია.

ასევე გასათვალისწინებელია, რომ სანტიაგო "ბერნაბეუს" სახელობის სტადიონზე "რეალს" 100 % - იანი შედეგი აქვს წლევანდელ სეზონში. "ბლანკოსი" ვალდებულია ეს კარგი სერია განაგრძოს და დაამარცხოს ფრანგული "ოსერი".������� dle 10.1������� ������� ������