დინიო: "ელ კლასიკოს" მასპინძლები მოიგებენ
მილანის ბრაზილიელმა შემტევმა, რონალდინიომ განაცხადა, რომ მადრიდის "რეალს" კატალონიაში არანაირი შანსი არ აქვს გამომდინარე იქიდან, რომ გვარდიოლას გუნდი საკუთარ მოედანზე ბრწყინვალეა...
"მოურინიოს გუნდი ძალიან ძლიერია, მაგრამ "ბარსელონას" დამარცხება "ნოუ კამპზე" არავის არ შეუძლია, რადგან კატალონიელები საკუთარ კედლებში ბრწყინვალედ თამაშობენ, დარწმუნებული ვარ ლამაზი თამაში იქნება, მაგრამ წარმატებას მასპინძლები მიაღწევენ."
"ბურთის ფლობა "ბარსელონას" ექნება, ამაში დარწმუნებული ვარ. ლიონელ მესი კი მსოფლიოში საუკეთესოა და მისი გაჩერება ნებისმიერი ფეხბურთელისთვის პრობლემატურია."
"აღსანიშნავია, რომ მადრიდელთა კარს იკერ კასილასი იცავს, ასეთი მეკარე მე პირადად არ მახსოვს, იგი დაუვიწყარ "სეივებს" აკეთებს. ესპანელის კარში არაერთხელ მაქვს გოლი გატანილი, მაგრამ ამას მის კლასზე არ უმოქმედია, იგი უბრალოდ ბრწყინვალეა."
"თამაში რა თქმა უნდა ისეთი იქნება, როგორიც ამ ორი დიდი გუნდის გულშემატკივრებს ეკადრებათ, მაგრამ ვფიქრობ, რომ წარმატებას მასპინძლები მიაღწევენ."
- 26 ნოემბერი 2010
- 2754
- 0
ინფორმაცია
ჯგუფ სტუმარი-ის წევრებს არ აქვთ კომენტარის დატოვების უფლება.
