ლუის სუარესი: "რეალი" დაუმარცხებელია
ამსტერდამის "აიაქსის" ურუგვაელმა შემტევმა, სუარესმა ჟურნალისტებთან საუბრისას განაცხადა, რომ მადრიდის "რეალი" წელს დაუმარცხებელი გუნდია და "ელ კლასიკოს" სწორედ ეს გუნდი მოიგებს...
"ჩვენთან ჩამოსული მადრიდელები თითქოს უმოტივაციოდ იყვნენ, მაგრამ ყველაფერი გააკეთეს გასამარჯვებლად და 4 უპასუხო გოლი გაგვიტანეს. დამერწმუნეთ ამსტერდამ არენაზე 4 გოლის გატანა ნებისმიერი გუნდისთვის პრობლემატურია, მაგრამ მოურინიოს შეგირდების მოტივაციის ნაკლებობის მიუხედავად მაინც ბოლომდე იხარჯებოდნენ."
"ახლოვდება ესპანეთის ყველაზე მნიშვნელოვანი მატჩი, რომელიც "ბარსელონასა" და მადრიდის "რეალს" შორის შედგება. დარწმუნებული ვარ "ელ კლასიკოს" მოურინიოს შეგირდები მოიგებენ, რადგან ისინი წელს დაუმარცხებლები არიან."
"კრიშტიანო რონალდო ბრწყინვალე ფეხბურთელია, იგივეს თქმა შემიძლია ანხელ დი მარიასა და კარიმ ბენზემაზე, მათ ჩვენ წინააღმდეგ ბრწყინვალედ ითამაშეს, სამეფო კლუბს უბადლო შეტევის ხაზი ჰყავს, ეს გუნდი ძალიან სწრაფი ფეხბურთელებით არის დაკომპლექტებული და თამაშიც სწორედ სისწრაფეზეა აგებული."
- 25 ნოემბერი 2010
- 2432
- 0
ინფორმაცია
ჯგუფ სტუმარი-ის წევრებს არ აქვთ კომენტარის დატოვების უფლება.
