მოურინიომ ზიდანის ახალ როლზე ისაუბრა
მოგეხსენებათ, ზინედინ ზიდანის როლი სამეფო კლუბში შეიცვალა. ფრანგი ლეგენდრაული ფეხბურთელი ფლორენტინო პერესის მრჩეველი გახდა, ამ ფაქტმა აღაფრთოვანა ჟოზე მოურინიო. პორტუგალიელმა სპეციალისტმა, სამეფო კლუბის ოფიციალურ ვებ-გვერდთან ინტერვიუ ჩაწერა...
"ზიდანის გუნდში ყოფნა რა თქმა უნდა ბევრს ნიშნავს, რადგან ფრანგი ნამდვილი პროფესიონალია, ჩვენ ყველა მოუთმენლად ველოდით ამ წუთს, ზიზუს მუშაობა რა თქმა უნდა ნაყოფიერი გამოდგება. ძალიან მსურდა ზიდანის ამ თანამდებობაზე ხილვა, რადგან ზინედინი შესანიშნავი ადამიანია. იგი დაუბრუნდა ფეხბურთს და მადრიდის "რეალს", ამიტომ ყველანი გახარებულები ვართ."
"ფრანგი ნებისმიერი მოთამაშისთვის მისაბაძი მაგალითი და ლეგენდარული მოთამაშეა. ფეხბურთელებთან მას უფრო ახლო ურთიერთობა ექნება და ეს რა თქმა უნდა პირველ რიგში მე მაძლევს ხელს, ასეთი პიროვნების მხარში დგომა უდიდესი პატივია. მისი როლი გუნდში მნიშვნელოვანი იქნება."
"ზიდანი არის ფეხბურთელი, რომელსაც "რეალის" გარდა სხვა კლუბებშიც აქვს ნათამაშები, მაგრამ ყველაზე მეტად იგი სწორედ მადრიდელებს უყვართ და დარწმუნებული ვარ ყველა ფანი გახარებული იქნება ამ ფაქტით. ყველას გვჯეროდა, რომ მისი სამუშაო ადგილი სწორედ "ბლანკოსში" იქნებოდა."
- 21 ნოემბერი 2010
- 2035
- 0
ინფორმაცია
ჯგუფ სტუმარი-ის წევრებს არ აქვთ კომენტარის დატოვების უფლება.
