ახალი მიზანი - ანტონიო კასანო
ესპანურ პრესაში დღეს გავრცელებული ინფორმაციით, სამეფო კლუბის მესვეურებს ახალი ინტერესი გაუჩნდათ. ფლორენტინო პერესი და კომპანია იტალიელი ფეხბურთელით, ანტონიო კასანოთი დაინტერესდნენ, რომელიც წლების წინ სწორედ "ბლანკოსის" ღირსებაც იცავდა...
ეს ფორვარდი, რომ ნიჭიერია ამას მისი რომაში და სამპდორიაში თამაშიც მოწმობს, ანტონიო იტალიის ნაკრების წევრიც იყო, მაგრამ იგი გამოირჩევა ძალიან ცუდი ხასიათით და ხშირ შემთხვევაში სწორედ ეს ხდება ხოლმე კომპლიქტების მიზეზი.
ანტონიო "რეალში" ერთხელ უკვე ასპარეზობდა, მაგრამ მან ვერ მოიკიდა ფეხი ესპანეთში და საბოლოოდ ისევ სამშობლოს მიაშურა. მისი სამპდორიული კარიერა შესანიშნავად მიმდინარეობდა, მაგრამ ახლა იტალიელს კლუბის გამოცვლა სურს, რადგან უკიდურესად დაეძაბა ურთიერთობა დირექტორთა საბჭოსთან.
ჟოზე მოურინიოს ფორვარდი სჭირდება, კასანო კი ძალიან ესიმპათიურება, იტალიელი ფეხბურთელი აქამდე არ შედიოდა პორტუგალიელის გეგმებში , მაგრამ იგი არ იქნება ანტონიოს შეძენის წინააღმდეგი, რადგან თვლის, რომ ამ ფეხბურთელს ბევრი რამის გაკეთება შეუძლია, მას გოლის გატანის შესანიშნავი ალღო აქვს, მაგრამ საეჭვოა მოერგება თუ არა იგი სამეფო კლუბს, ერთხელ მისმა ტრანსფერმა არ გაამართლა, ამ შემთხვევაში კი დაველოდოთ მოვლენათა განვითარებას.
- 17 ნოემბერი 2010
- 2139
- 0
ინფორმაცია
ჯგუფ სტუმარი-ის წევრებს არ აქვთ კომენტარის დატოვების უფლება.
