ნაჩო ფერნანდესის განცხადებით, მადრიდულმა გუნდმა მნიშვნელოვანი გამარჯვება მოიპოვა...

„გამარჯვებას ძალიან დიდი მნიშვნელობა ჰქონდა. უკრაინაში თამაში იოლი არ არის, მაგრამ 75 წუთის მანძილზე სრულ უპირატესობას ვფლობდით და შეხვედრა ჩვენი კარნახით მიმდინარეობდა. ბოლო წუთებში უყურადღებობამ კინაღამ ფატალურ შედეგამდე მიგვიყვანა. „შახტარის“ ფეხბურთელებმა კიდევ ერთხელ დაამტკიცეს, რომ ბოლომდე იბრძვიან და სერიოზულ ძალას წარმოადგენენ.“

„მოგვიწევს, ამ მატჩის გაანალიზება და დაშვებული შეცდომების აღმოფხვრა. წინ უამრავი მნიშვნელოვანი პაექრობა გველოდება.“

„მოხარული ვარ, რომ სათამაშო წუთები მივიღე. ჩემთვის პოზიციას მნიშვნელობა არ აქვს, ვინაიდან ყველგან მაქვს თამაშის გამოცდილება. მარცხნივ თავს ისე კომფორტულად ვგრძნობ, როგორც ცენტრში.“

„კაზემიროს თამაში ყველას სიამოვნებს, ვინაიდან ბრაზილიელი ბრწყინვალედ ასპარეზობს და გუნდს ბალანსის შენარჩუნებაში ეხმარება, ბრაზილიელი ყოველდღიურად პროგრესირებს.“

„მომდევნო ეტაპის საგზური უკვე გავინაღდეთ, მაგრამ წინ მე-6 ტურია, სადაც ბოლომდე დავიხარჯებით.“