მცირე ხნიანი სიხარულის შემდეგ, მადრიდის „რეალში“ კვლავ პრობლემები დაიწყო...

„ელ კლასიკოს“ წინ მადრიდისტები გახარებულები იყვნენ, ვინაიდან კოლექტივში პრობლემა აღარ იყო.

რამდენიმე დღის შემდეგ კი სხვა რეალობა დაიხატა.

რამოსის ტრავმის შესახებ ყველას კარგად მოეხსენება. ესპანელი ფეხბურთელისთვის, 2015 წელი საფეხბურთო თვალსაზრისით დასრულებულია, ის მოედანზე ვეღარ გავა, მაგრამ ბენიტესის თავის ტკივილი მხოლოდ რამოსი არ არის.

გუნდს გამოაკლდა მარსელო, რომელიც უკრაინაშიც არ გაფრენილა.

ბრაზილიელმა ფეხბურთელმა „ელ კლასიკო“ ჩაატარა, მაგრამ მეორე ტაიმში შესაცვლელი გახდა. სავარაუდოდ, მას დაზიანება აქვს გამიზეზებული.

უკანა ხაზში სერიოზული პრობლემებია. მიუხედავად იმისა, რომ გუნდს ჰყავს ვარანი და პეპე, არცერთი მათგანი არ მოიაზრება კაპიტანის სრულფასოვად შემცვლელად, მარსელოს შემცვლელზე კი პრობლემა სეზონის სტარტიდანვე დგას.

ექსპერტების აზრით, ბრაზილიელს ან დანილო, ან ნაჩო ჩაანაცვლებს.