გავრცელებული ინფორმაციით, მადრიდის „რეალის“ პრეზიდენტი მთავარი მწვრთნელის პოსტზე იუპ ჰაინკესის დანიშვნასაც განიხილავს...

მოგეხსენებათ, ჰაინკესი ათეული წლების წინ „თეთრებს“ ედგა სათავეში და ჩემპიონთა ლიგის მოგებაც შეძლო.

ჰაინკესის ბოლო კლუბი მიუნხენის „ბაიერნი“ იყო, გერმანელმა სპეციალისმა „რეკორდმაისტერთან“ ერთად საოცრებები ჩაიდინა, ახლა კი პაუზა აქვს აღებული.

ამასთანავე უნდა აღინიშნოს, რომ იუპმა „ბაიერნიდან“ წასვლის შემდეგ განაცხადა, რომ ფეხბურთში ყოფნა აღარ სურს, მაგრამ როდესაც „რეალი“ გთავაზობს, დაფიქრება ნამდვილად ღირს.

ჯერ-ჯერობით უცნობია დირექტორთა საბჭოს პოზიცია ამ საკითხთან დაკავშირებით, მაგრამ სხვადასხვა კანდიდატურის დასახელება კიდევ უფრო რეალურს ხდის ბენიტესის წასვლას, რომელსაც მადრიდისტები ვეღარ იტანენ.