გარეთ ბეილის განცხადებით, მისთვის „რეალის“ დატოვება პრობლემას არ წარმოადგენს, მაგრამ რაღაც მომენტები გასათვალისწინებელია...

„სამეფო კლუბს დავტოვებ, როგორც კი მივხვდები, რომ ჩემი შესაძლებლობები ამოვწურე და კლუბისთვის სარგებელის მოტანა არ შემიძლია.“

„სეზონი დასრულდა, ბევრი კრიტიკა დაგვატყდა თავს, მაგრამ აღარავის ახსოვს ის გენიალური შეხვედრები, რომელიც ჩავატარეთ.“

„იმედს გამოვთქვამ, ყველაფერი კარგად ჩაივლის, ნაყოფიერი პრე-სეზონი გვექნება და მომდევნო დატვირთულ სეზონს მზადყოფნაში შევხვდები.“

„კარლო ანჩელოტი? ის იდეალური მწვრთნელი გახლავთ. იტალიელმა ბევრი რამ გააკეთა, ამ შემთხვევაში ფეხბურთელები ვერაფერს გადავწყვეტთ, გადაწყვეტილებას კლუბის ხელმძღვანელობა მიიღებს, რომელიც ყველასათვის მისაღები უნდა იყოს.“