კრიშტიანო რონალდუმ „ხეტაფესთან“ შესრულებული ჰეთ-თრიკის წყალობით პირადი რეკორდი გააუმჯობესა...

პორტუგალიელი ფეხბურთელის საუკეთესო მაჩვენებელი 2011/12 წლების სეზონში დაფიქსირდა, როდესაც ოქროს ბურთის მფლობელმა 60 გოლის გატანა მოახერხა ყველა ტურნირზე.

„ხეტაფესთან“ მატჩის წინ რონის ანგარიშზე 58 იყო, სამი გოლის წყალობით კი მას 61 დაუგროვდა. აქედან 48 ბურთი პრიმერაზე მოდის, 10 ჩემპიონთა ლიგაზე, 2 ევროპის სუპერთასზე, ერთი კი ესპანეთის სამეფო თასზე.

2014/15 წლების სეზონი კრიშტიანოსთვის გატანილი გოლების მხრივ საუკეთესო აღმოჩნდა.

რონიმ ლა ლიგის რეკორდი დაამყარა, რომელიც ასევე 2011/12 წლების სეზონში დააფიქსირა, მისი მაჩვენებელი 46 ბურთს შეადგენდა, აწ უკვე დასრულებულ სეზონში კი რეკორდი 2 გოლით გაიზარდა.