მადრიდის „რეალის“ ყოფილ სპორტულ დირექტორს, მიგელ პარდესას გუნდში არსებულ სიტუაციაზე კომენტარის გაკეთება სთხოვეს...

„არ ვთვლი, რომ ანჩელოტი უნდა წავიდეს, მაგრამ არ ვიცი რას ფიქრობს ადმინისტრაცია.“

„ჩემი აზრით მადრიდულ გიგანტში წმენდაა ჩასატარებელი. ვფიქრობ, დედაქალაქელებს გაყიდული ფეხბურთელებიდან 200 მილიონის მიღება შეუძლიათ.“

„იმ შემთხვევაში თუ ბეილი წავა, „ბლანკოსის“ ბიუჯეტი მინიმუმ 110 მილიონით გაიზრდება. ასევე, გუნდს დატოვებს რამდენიმე ფეხბურთელი, ამაში ეჭვი არ მეპარება.“

„იმ შემთხვევაში თუ პერესმა 200 მილიონი გამოიმუშავა, სუპერტრანსფერებს უნდა ველოდოთ, რადგან პრეზიდენტი არასდროს ერიდებოდა დიდი თანხის დახარჯვას.“

„როისი? გერმანელი ფეხბურთელი „დორტმუნდს“ ადრე თუ გვიან დატოვებს, მაგრამ არ ვიცი ითამაშებს თუ არა „რეალში“, ეს უკვე მისი გადასაწყვეტია.“