კუნ აგუეროს განცხადებით, მადრიდის ატლეტიკო ესპანეთში არცერთ გუნდს არ ჩამოუვარდება და სერიოზული შანსები აქვს იმისა, რომ ლა ლიგის მოგებისთვის იბრძოლოს...

"მიყვარს ესპანეთი და რა თქმა უნდა ყოველთვის ჩემ გულში იქნებოდა "როხიბლანკო" , სადაც უამრავი ლამაზი წელი გავატარე და ბევრი გოლის გატანა მოვახერხე."

"როგორც ფეხბურთელმა ძალიან ბევრი რამ ვისწავლე ატლეტიკოში და სწორედ იქ ჩამოვყალიბდი პროფესიონალ შემტევად."

"რეალთან და ბარსელონასთან ჭიდილი ურთულესი საქმეა, თუმცა ვთვლი, რომ სიმეონემ უდიდესი ძალა ჩამოაყალიბა, რომელსა პრიმერა დივიზიონის მოგება შეუძლია, ასევე არ უნდა დაგვავიწყდეს ჩემპიონთა ლიგა, სადაც ესპანელები ცალი ფეხით 1/4 ფინალში არიან, ეს კი ევროპის 8 საუკეთესო გუნდს შორის ყოფნას ნიშნავს."

"ატლეტიკოს ყოველთვის უმაღლესი კლასის ფორვარდები ჰყავდა და დარწმუნებული ვარ სასიამოვნო ტრადიცია არ დაირღვევა, დღესდღეობით მადრიდელებს დიდებული წინახაზელები ჰყავთ, თუმცა უმთავრესი დამრტყმელი ძალა მაინც დიეგო კოშტაა."