1964 წლის 9 აპრილს მადრიდის "რეალი" პირველად დაუპირისპირდა "ლევანტეს" ვალენსიაში. მაშინ მადრიდისტებმა მინიმალური ანგარიშით იმარჯვეს და მას შემდეგ "ბლანკოსი" "სიუტატ დე ვალენსიაზე" "ლა ლიგაში" არ დამარცხებულა. სულ ამ გუნდებს შორის ვალენსიაში 6 მატჩი შედგა, აქედან 5 "რეალმა" მოიგო, ხოლო ერთი ნულოვანი ფრით დასრულდა. ზემოთ აღნიშნულ სტადიონზე საუკეთესო მეგოლე "რეალის" რიგებიდან რუუდ ვან ნისტერლოია 5 გატანილი გოლით, ხოლო ყველაზე მეტი მატჩი იკერ კასილასს აქვს ჩატარებული.

აქვე გთავაზობთ სტატისტიკას მადრიდის "რეალის" გასვლით მატჩებზე. უნდა აღინიშნოს, რომ "რეალს" ყველაზე ცუდი შედეგი "ბარსელონასთან" აქვს. "ბლანკოსებმა" "კამპ ნოუზე" "ლა ლიგის" ეგიდით 81 მატჩიდან 47 წააგეს, 16-ში ფრედ ითამაშეს, ხოლო 18-ში გამარჯვების მოპოვება მოახერხეს.