შეხვედრა ბანგლადეშში გაიმართა. მატჩის 23-ე წუთზე შესანიშნავი კომბინაციის შემდეგ გონსალო იგუაინმა ანგარიში გახსნა. ორიოდე წუთში კი ლეო მესიმ ლამის მთელი ნიგერია მოატყუა და კარში დაარტყა, მაგრამ მეკარემ მოიგერია, თუმცა დი მარია ბურთთან პირველი გაჩნდა და ცარიელ კარში გოლის გატანა აღარ გაჭირვებია.

მეორე ტაიმის დასაწყისშივე ნიგერიელებმა ანგარიშის სხვაობა შეამცირეს. ამის შემდეგ პიპიტასაც და ანხელსაც რამდენიმე კარგი მომენტი შეექმნათ, მაგრამ მათ რეალიზება ვერ მოახდინეს. 66-ე წუთზე ელდერსონმა ბურთი საკუთარ კარში ჩაჭრა და საბოლოო ანგარიში დააფიქსირა - 3-1.