დღეს , ფეხბურთელთა პროფესიულმა კავშირმა, პირველი და მეორე დივიზიონის 110-მა ფეხბურთელებმა მედიის წარმომადგენლებისთვის გამართულ პრეს-კონფერენციაზე განაცხადეს, რომ ისინი იწყებენ გაფიცვას, მანამ სანამ არ გაფორმდება ახალი ხელკშეკრულება LFP-სა და ზემოთხსენებულ ორგანიზაციას შორის. დღევანდელ ღონისძიებას ესწრებოდნენ იკერ კასილასი, პუიოლი, ალბელდა და სხვა ცნობილი ფეხბურთელები.

ლუის რუბიალესი, რომელიც გვევლინება ფეხბურთელთა პროფკავშირების ხელმძღვანელად აცხადებს: "ჩვენ და ფეხბურთელები ერთ აზრზე ვართ. ვაპირებთ ერთხელ და სამუდამოდ ვუთხრათ არა ამ უსამართლობას. პირველი და მეორე დივიზიონის ყველა ფეხბურთელი ერთ აზრზეა. დიდი განსჯისა და განხილვის შემდეგ მივედით იმ დასკვნამდე, რომ გაფიცვა გამოგვეცხადებინა. ეს ჯერჯერობით ეხება მხოლოდ ლა ლიგისა და ლიგა ადელანტეს პირველი და მეორე ტურის შეხვედრებს. არანაირი თამაში არ ჩატარდება მანამ, სანამ არ გაფორმდება ახალი ხელშეკრულება."

"ძალიან უსამართლო სიტუაციაში გვიხდება ყოფნა. ფეხბურთელებს უფრო მეტის უფლება უნდა ქონდეს. ფული საერთოდ არ გვაინტერესებს, გვინდა, რომ კონტრაქტის პირობები იქნას გაუმჯობესებული, რის მიხედვითაც უნდა მოხდეს ფეხბურთელთა უფლებების გაზრდა. გვსურს მოხდეს ფეხბურთელთათვის ხელფასისა და გასამრჯელოს დროული გაცემა."

წყარო: As; Marca;